Түркістан қаласында өткен Тоғызқұмалақтан ҚР Кубогі үшін жарысқа барлығы 11 команда қатысты. Олар Павлодар, Қызылорда, Ақтөбе, Оңтүстік Қазақстан, Бастыс Қазақстан, Жамбыл, Қостанай, Шығыс Қазақстан, Алматы, Маңғыстау облыстары және Астана қаласының командалары.

Жарыс жекелей-командалық сынақта швейцар жүйесімен 7 тур өтті. Командалық орын әр ойыншылардың жинаған ұпай санының қосындысы бойынша шығарылды:

І ОРЫН - Павлодар облысы  (31 ұпай) 

ІІ ОРЫН  -  Қызылорда облысы  (28,5 ұпай)

ІІІ ОРЫН  -  Ақтөбе облысы  (28 ұпай)

ІV ОРЫН  -  Оңтүстік Қазақстан облысы  (23,5 ұпай)

V ОРЫН  -  Астана қаласы  (21,5 ұпай)

VІ ОРЫН  -  Батыс Қазақстан облысы  (19 ұпай)

VІІ ОРЫН  -  Жамбыл облысы  (19 ұпай)

VІІІ ОРЫН  -  Қостанай облысы  (16,5 ұпай)

ІХ ОРЫН  -  Алматы облысы  (16 ұпай)

Х ОРЫН  -  Маңғыстау облысы  (15,5 ұпай)

ХІ ОРЫН  -   Шығыс Қазақстан облысы  (11,5 ұпай)

Жалпы жарысты ұйымдастыру алқасының жақсы дайындығы байқалып,  Қазақстан Республикасы Кубогі үшін жарыс жақсы дәрежеде өтті.

Жекелей сында әр тақта бойынша төмендегі спортшылар жеңімпаз атанды.

І  ТАҚТА

І орын           Темірбаев Ғ.  (ОҚО)     -      5,5

ІІ орын           Қабиев Н.   (Ақтөбе)      -     5,5

ІІІ орын         Ақтаев С.    (Павлодар)      -     4,5

ІІ  ТАҚТА

І орын           Қаймолдин Ж.   (Павлодар)     -       6

ІІ орын         Ли Т.   (Қызылорда)      -     6

ІІІ орын        Сазанбаев А.    (Астана)      -     4,5

ІІІ  ТАҚТА

І орын           Амантаев А.  (Жамбыл)     -       6

ІІ орын         Нұржанов М.  (Ақтөбе)      -     5,5

ІІІ орын        Мерешев Е.    (Павлодар)      -     4,5

ІV  ТАҚТА

І орын           Аманова М.  (ОҚО)     -       5,5

ІІ орын         Қойшыман Г.   (Ақтөбе)      -     5

ІІІ орын        Дәлиева Ә.    (Қызылорда)      -     5

V  ТАҚТА

І орын           Қошқарова А.  (Қызылорда)     -      6

ІІ орын         Адамжанова А.   (Павлодар)      -     5

ІІІ орын        Айғалиева А.     (БҚО)      -     5

VІ  ТАҚТА

І орын           Райымбекова Р.  (Павлодар)     -       6,5

ІІ орын         Такишева А.   (Ақтөбе)      -     6

ІІІ орын        Нөсерова Қ.    (Қостанай)      -     4

Жарыс жеңімпаздарына Қ. Р. Туризм және Спорт Министрлігі атынан кубок және дипломдар, Қ. Р. Тоғызқұмалақ Федерациясының атынан естелік сыйлықтар тапсырылса, бас демеуші Нұр Отан партиясының Түркістан бөлімшесінің саяси кеңес мүшесі Жұмабай Ешжановтың атынан бағалы сыйлықтар берілді. Алдағы уақытта Түркістан қаласында бір Республикалық және бір Халықаралық жарыс өтетін болып шешім қабылданды. Сондай ақ Түркістан қаласының Зияткерлік ойындар Федерациясының Президенті болып Жұмабай Ешжанов сайланды.

Жарыстың қорытындысы туралы мемлекеттік жаттықтырушы Мақсат Шотаев : «Түркістан қаласы – тек рухани астана емес, зияткерлік астана ретінде де дүниежүзіне танылуы тиіс. Сондықтан бұл жарыс сол идеяның бастамасы ретінде көрінсе екен.» деді.

Мақаланы дайындағын : с.ш.ү. Шотаева Қалжан.