«Төреші» - кез келген деңгейдегі жарыстарды (25 тур) төрелік еткен 16 және одан үлкен жастағы тұлғаларға беріледі.

«І дәрежедегі төреші» - бір жыл бойы «төреші» дәрежесі болған және келесі талаптарды орындаған тұлғаларға беріледі:

               1) жарыстарда (30 тур) бас төреші (орынбасары) ретінде төрелік еткен немесе дене тәрбиесі ұжымдарындағы жарыстарда хатшы, сондай-ақ қалалық және облыстық көлемдегі жарыстарда аға төреші ретінде 10 турдан кем емес төрелік еткен тәжірибесінің болуы;

               2) «І дәрежедегі төреші» төрешілерін даярлау бойынша семинарға қатысу және жарыс ережелерін білу бойынша біліктілік комиссиясының сынағын тапсыру.

«Ұлттық төреші» - 2 жылдан кем емес «І дәрежедегі төреші»  дәрежесі болған  және  келесі талаптарды орындаған төрешілерге беріледі:

               1) қалалық және облыстық ауқымдағы жарыстарда бас төреші немесе оның орынбасары, бас хатшы ретінде 50 турда, сондай-ақ республикалық кеңестердің, Республика чемпионаттары мен біріншіліктерінде аға төреші не хатшы ретінде 25 турда төрешілік еткен тәжірибесінің болуы;

               2) жыл сайын «Ұлттық төрешілерді» даярлау бойынша семинарларға қатысу;

               3) тиісті спорттық ұйымның, федерацияның тапсырмасы бойынша            «І дәрежедегі төреші» атты төрешілер семинарын өткізу.

«Жоғары дәрежедегі ұлттық төреші» - 3 жылдан кем емес «Ұлттық төреші» дәрежесі болған  және  келесі талаптарды орындаған төрешілерге беріледі:

               1) әр түрлі қызметтегі кез келген ауқымдағы жарыстарда төрелік еткен жыл сайынғы тәжірибесінің болуы;

               2) республика, республикалық кеңестер, ведомстволардың   чемпионаттары мен біріншіліктерінде бас төреші (орынбасары) ретінде 30 турда төрешілік еткен тәжірибесінің болуы;

               3) республикалық семинарға қатысу, тиісті спорттық ұйымның, федерацияның тапсырмасы бойынша  жарыс ережелерін білу бойынша сынақ тапсыру, республикалық семинарды өткізуге қатысу;