Тоғызқұмалақтан 2010 жылдың 01-04 ақпан аралығында Көкшетау қаласында өтетін “Тоғызқұмалақ ойынының бұқаралық сипатын арттырудың жолдары және ақпараттандыру мәселелері” атты Семинар-конференцияны өткізудің
ЕРЕЖЕСІ

І. Мақсаты мен міндеттері
 
-   Жаттықтырушылар мен төрешілердің біліктілігін арттыру;
-    Тоғызқұмалақ қағидаларын (кодексін) талқылау және бекіту;
-    Тоғызқұмалақ ойынын республикалық  деңгейде насихаттау және бұқаралық сипатын арттыру жолдарын қарастыру;
-    Ұлттық ойынды ақпараттандыру мәселелерін зерделеу және  жүйелеу;
-    Әлем біріншілігіне дайындық мәселесін пысықтау және спортшыларды іріктеудің шарттарын ақылдасу;
-    Жыл қорытындысын талқылау, облыстың аға жаттықтырушыларының есебін қабылдау.

ІІ. Өткізілетін жері және мерзімі
    Семинар-конференция 2010 жылдың 01-04 ақпан күндері Көкшетау қаласында өтеді. Семинарға қатысушылардың келу күні - 01 ақпан, қайту күні - 04  ақпан.

ІІІ. Қатысушылар құрамы
    Семинар-конференцияға  республика өңірлеріндегі әр облыстың аға жаттықтырушылары,  өкілдері, төрешілері, спорттық мектептер мен үйірмелердің жаттықтырушылары қатыса алады. Команда өкілдерінің қатысу мөлшеріне  шек қойылмайды. Осы ереже шақыру болып табылады. Семинар-конференцияға қатысушыларға сертификат және анықтама беріледі.

ІV. Семинарды өткізуге басшылық
    Жалпы басшылықты ҚР Туризм және спорт министрлігінің Спорт комитеті мен Көкшетау қалалық дене тәрбиесі және спорт бөлімі жүзеге асырады. Семинар-конференцияны тікелей өткізуді Көкшетау қалалық дене тәрбиесі және спорт бөлімі мен ҚР Тоғызқұмалақ Қауымдастығы жүзеге асырады.
V. Қаржылық шығындар
    ҚР Туризм және спорт министрлігі Спорт комитеті тарапынан шақырылған жаттықтырушылар мен төрешілердің шығындары (жолақысы, тамақтануы, қонақ үйі) Спорт комитетінің есебінен төленеді. Семинарға қатысушылардың, жаттықтырушылардың және басқарушылардың іссапарына байланысты шығындар (жолақысы, тамақтануы, орналасуы т.б.) іссапарға жолдаушы мекемелер есебінен төленеді.

VІ. Өтінім
            Семинарға қатысу туралы өтінім алдын-ала ұйымдастыру алқасына тапсырылуы тиіс. Семинарға қатысу туралы мәліметтерді мына мекенжайға хабарлау қажет.
           Анықтама телефондары: Ы.Абдужаппаров - 87015575406, жұмыс: 87162-402199, факс: 87162-255583; А.Рыспамбетов - 87026926344; мемлекеттік жат. М.Шотаев - 87014267642.
    ЕСКЕРТУ: семинарға әр облыстың аға жаттықтырушылары немесе өкілдері 2009 жылдың қорытынды есебі мен 2010 жылдың облыстық күнтізбелік жоспарын, облыстағы тоғызқұмалақты дамыту тұжырымдамасын (концепция) электрондық және қолжазба нұсқада әкелуі тиіс.